Монгол Улсын Ерөнхийлөгчийн санаачилсан “ХҮНСНИЙ ХАНГАМЖ, АЮУЛГҮЙ БАЙДАЛ” үндэсний хөдөлгөөн өнөөдөр Архангай аймагт нээлтээ хийлээ.

Ирэх таван жилд 19 нэр төрлийн хүнсний бүтээгдэхүүнээр дотоодын хэрэгцээгээ бүрэн хангаж, мал сүргээ эрүүлжүүлэхийн зэрэгцээ органик хүнс экспортлогч улс болох эхлэлийг тавих нь хөдөлгөөний гол зорилго юм.

Хүнс, хөдөө аж ахуй, хөнгөн үйлдвэрийн яам, Зээлийн батлан даалтын сан, Гадаад улс, Олон улсын байгууллагын зээл тусламжаар хэрэгжүүлж буй төслүүд, аймгийн Иргэдийн Төлөөлөгчдийн хурал, Засаг даргын Тамгын газар, аймгийн Мэргэжлийн хяналтын газар, Эрүүл мэндийн газар, Стандарт хэмжил зүйн газар, сумдын Засаг дарга, Хөдөө аж ахуйн тасгийн мэргэжилтнүүд, орон нутгийн хүнс үйлдвэрлэгчид болон бизнес эрхлэгчид, баялаг бүтээгчид, төрийн бус байгууллага, холбоо, хоршоод төлөөлөгч зэрэг 250 гаруй мэргэжилтнүүд оролцож байна.