ГАЛ ТҮЙМЭР УНТРААХ, АВРАХ 55 ДУГААР АНГИ “ХҮҮХДЭД ЭЭЛТЭЙ БАЙГУУЛЛАГА” АРГА ХЭМЖЭЭНИЙ ХҮРЭЭНД 5 АРГА ХЭМЖЭЭГ ЗОХИОН БАЙГУУЛЛАА
Шарын гол сумын ЕБ-ын 2 дугаар сургуулийн ахлах ангийн сурагчдад ГТУА-55 дугаар ангийн үйл ажиллагааг танилцуулсан.
Ахлах ангийн сурагчдад галын аюулаас урьдчилан сэргийлэх анхан шатны мэдлэг олгох сургалт зохион байгуулж ажилласан.
Гал түймэр унтраах, аврах 55 дугаар ангийн албан хаагчид 2022 оны 10 дугаар сарын 18-ны өдрийн 07:30-08:30 цаг, 12:30-13:30 цаг, 17:00-18:00 цагт хүртэл ЕБ-ын 2 дугаар сургуулийн урд явган хүний гарц дээр “School police” үйл ажиллагааг зохион байгуулж, Шарын гол сумын хүүхдүүдийн сурах, аюулгүй орчин, Монгол улсад мөрдөгдөж байгаа замын хөдөлгөөний аюулгүйн дүрмийг сурагчдад мөрдүүлж ажилласан.
19-р цэцэрлэгийн анги танхимд хүүхдийн сурч боловсрох орчинг сайжруулах зорилгоор анги танхимын эвдэрч, гэмтсэн, засварлах шаардлагатай эд зүйлийг засварлаж хүүхдийн эрүүл, аюулгүй орчинг бүрдүүлж ажилласан.
Үүнд: Цэцэрлэгийн 10 ширхэг гэрэл гэмтэж суурьнаас салсан байсныг янзалж хэвийн болгосон. Мөн хаалганы хүрээ мод салсаныг нааж, хүүхдийн тоглоомын шкаф хананаас салсан байсныг тогтоосон.
Шарын гол сумын хүүхдүүдэд гал түймэр, газар хөдлөлтөөс, хэрхэн өөрийгөө хамгаалах талаар нийт 98 хүүхдэд гарын авлага тарааж, зөвлөмж өгч ажилласан.
