2022-2023 оны хичээлийн жилд Сайншанд сумын 5 сургуульд шинээр 728 хүүхэд элсэн орж, нийт 7995 сурагч, 14 цэцэрлэгт шинээр 912 хүүхэд элсэн орж, нийт 2985 хүүхэд сурч, хүмүүжнэ.Мөн аймгийн Политехникийн коллежид 630, АШУҮИС-ийн Дорноговь аймаг дахь салбар Анагаах Ухааны Сургуульд 600 гаруй оюутан хамрагдаж, 6 мэргэжлээр шинээр нийт 140 оюутан элсэн орлоо.
Сайншанд сумын Иргэдийн Төлөөлөгчдийн Хурлын Төлөөлөгчид Монгол Улсын Ерөнхийлөгчийн 2022 оны 07 дугаар сарын 11-ний өдрийн 159 дүгээр зарлигийг 8 цэцэрлэг, 2 сургууль, 1 коллежид уншиж, Чингис хааны эш хөргийг боловсролын байгууллагад нэгэн зэрэг залж хүндэтгэл үзүүллээ
