Жил бүрийн 9 дүгээр сарын 10-ны өдрийг улс төрийн хэлмэгдэгсдийн дурсгалын өдөр болгон тэмдэглэн өнгөрүүлдэг уламжлалтай бөгөөд энэ жил 27 дахь удаагаа тэмдэглэнэ. Энэ өдрийг тохиолдуулан хэлмэгдэгсдийг хүндэтгэн дурсах, мөнхжүүлэх, түүхэн гашуун сургамжийг ард иргэдэд таниулан сурталчлах үүднээс Дархан-Уул аймгийн Цагаатгах ажлыг удирдан зохион байгуулах салбар комиссоос ЕБС-иудын ахлах бүлгийн сурагчдад “МОНГОЛД ГАРСАН УЛС ТӨРИЙН ХЭЛМЭГДҮҮЛЭЛТ, ДҮГНЭЛТ, СУРГАМЖ” сэдэвт сургалт мэдээллийг явуулж байна.

Энэ хүрээнд 1-р сургууль, 15-р сургуулийн  ахлах бүлгийн 150 гаруй сурагчдад өнөөдөр /2022.09.07/ Дархан сумын ИТХ-ын дарга Я.Бат-Очир улс төрийн хэлмэгдүүлэлтийн талаар мэдээлэл өглөө.