“БОРХОЙН ЦОМ” ЯРУУ НАЙРГИЙН НААДАМ АМЖИЛТТАЙ ЗОХИОН БАЙГУУЛАГДЛАА
Нутгийн уран бүтээлчдийн шүлэг, бүтээлийг уншигч олонд түгээх, дэмжих зорилгоор Замын-Үүд сумын Иргэдийн Төлөөлөгчдийн Хурал, Сумын Засаг даргын Тамгын газар, Замын-Үүд сумаас сонгогдсон АИТХ-ын төлөөлөгчид болон яруу найргийн “Хурмаст тэнгэр” төв хамтран энэхүү наадмыг амжилттай зохион байгууллаа.
Тус наадамд “Эх орон”, “Тусгаар тогтнол”, “Хайр сэтгэл” сэдвийн хүрээнд уншигч олны сонорыг мялаахаар 17 яруу найрагч оролцож:
Тэргүүн байранд Н.Анхбаяр (Замын-Үүд сум) ;
Дэд байранд Э.Цагаан-Уул (Улаанбаатар хот);
Гутгаар байранд С.Ууганбаяр (Алтанширээ сум);
Тусгай байранд Д.Эрдэнэзулай (Айраг сум);
Тусгай байранд Ц.Мөнхсоёл (Өргөн сум) нар тус тус шалгарч өргөмжлөл, мөнгөн шагналаар шагнагдлаа.
Шүлэг тэрлэгч яруу найрагч та бүхний цаашдын уран бүтээлд нь өндрөөс өндөр амжилт хүсэн ерөөе.
