“Хүүхэд хөгжил-2022” арга хэмжээний хүрээнд Замын-Үүд сумын Иргэдийн Төлөөлөгчдийн Хурал, Замын-Үүд сумын Засаг даргын Тамгын газар, Замын-Үүд сум дахь сум дундын Цагдаагийн хэлтэстэй хамтран Замын хөдөлгөөний Цагаан толгой-2022 уралдааныг хүүхдийн 7 цэцэрлэгийн дунд амжилттай зохион байгууллаа.
Замын хөдөлгөөний "Цагаан толгой-2022" уралдааны Тэргүүн байранд 5 дугаар цэцэрлэг, Дэд байранд 1 дүгээр цэцэрлэг, Гутгаар байранд 2 дугаар цэцэрлэг тус тус шалгарлаа.
Зорилтот жилийн хүрээнд Замын-Үүд сум дахь сум дундын Прокурорын газар иргэдийн дунд "АХА" тэмцээн, Замын-Үүд сум дундын Шүүхийн Тамгын газар "Дартс"-ын тэмцээн, Замын-Үүд сум дахь Онцгой байдлын хэлтсээс хүүхэд багачуудын дунд "Буухиа" тэмцээнийг тус тус амжилттай зохион байгууллаа.
Мөн Ерөнхий боловсролын 1,2,3 дугаар сургуулийн 6-8 дугаар ангийн 700 гаруй сурагчид "Флашмоб" бүжиг бүжиглэн Соёл, спортын ордны гадна талбайгаас Замын-Үүд сумын төв талбай хүртэл явган алхалт хийв.
“Хүүхэд хөгжил-2022” зорилтот жилийн хүрээнд Замын-Үүд сумын хэмжээнд үйл ажиллагаа явуулж буй төрийн болон төрийн бус байгууллага, хувь хүн, аж ахуйн нэгжүүдийг идэвх санаачлагатай, зөв дуурайлалтай, эерэг хандлагатай байхыг уриалж байна.
