Төр, сүм хийдийн харилцааны тухай хууль болон аймгийн иргэдийн Төлөөлөгчдийн Хурлын 8 дугаар хуралдааны протокол, аймгийн Гэмт хэргээс урьдчилан сэргийлэх ажлыг зохицуулах салбар зөвлөлийн 2022 оны үйл ажиллагааны төлөвлөгөөний хэрэгжилтийг хангах зорилгоор Сэлэнгэ аймгийн нутаг дэвсгэрт шашны үйл ажиллагаа эрхэлж буй сүм, хийдүүдийн үйл ажиллагаанд хяналт шалгалтын ажлыг явуулж байна.
2022 оны 03 дугаар сарын 14-ний өдрөөс эхэлсэн уг хяналт шалгалтын ажлын хэсэгт аймгийн иргэдийн Төлөөлөгчдийн Хурлын Нутгийн удирдлага, хууль хяналтын бодлогын хороо, аймгийн ГХУСАЗСЗ-ийн бүрэлдэхүүн ажиллаж байна.
Шалгалтаар аймгийн ИТХ-ын хүчин төгөлдөр тогтоолоор үйл ажиллагаа явуулж байгаа эсэх, зөвшөөрөлд заагдсан нутаг дэвсгэрт үйл ажиллагаа явуулж буй эсэх, үйлчлүүлэгчдийн хамрах хүрээ, насанд хүрээгүй хүн байгаа эсэх, эцэг эхийн зөвшөөрлийг авсан эсэх, гадаадын иргэн ажилладаг эсэх, үйл ажиллагаа явуулдаг байр, үл хөдлөх, газрын талаарх тодруулгыг хийж шалгалтын дүнг нэгтгэн цаашид авч хэрэгжүүлэх саналын хамт аймгийн иргэдийн Төлөөлөгчдийн Хуралд танилцуулан ажиллах юм.
