Дархан сумын ИТХ-ын 1 дүгээр багийн төлөөлөгч Б.Ганбаяр өнөөдөр /2021.12.14/ багийнхаа иргэдэд зориулсан "Төлөөлөгчийн таван асуулт" чөлөөт уулзалтыг санаачлан зохион байгууллаа.
Уг уулзалт нь долоо хоног бүр хүндэт зочинтойгоор иргэдтэй чөлөөт ярилцлага хийх ба иргэд сонирхсон бүх асуултаа асууж, тулгамдсан асуудал, шүүмжлэл дутагдалтай талыг нээлттэй ярьж хэлэх боломжтой юм. Эхний удаагийн зочноор Дархан сумын ИТХ-ын дарга Я.Бат-Очир оролцож, иргэдийн тулгамдаж буй асуудлыг сонсож, чөлөөт ярилцлага хийлээ.
"Төлөөлөгчийн таван асуулт" чөлөөт уулзалт долоо хоног бүрийн Мягмар гарагийн 9 цагт нэгдүгээр багт байрлах "BOOK CAFE" -д болох юм.
