Монгол улсын хэмжээнд зарлагдаж байгаа "ТАМХИДАЛТЫН ЭСРЭГ ХУВЬСГАЛ-2" аян Бөхмөрөн сумын хэмжээнд зохион байгуулагдаж байна.

Эрүүл мэндийн төв зохион байгуулж байгаа бөгөөд нийгмийн эрүүл мэндийн ажилтан Г.Майцэцэг ИТХ-ын ажлын алба, Засаг даргын тамгын газрын албан хаагчдад тамхины хор хөнөөл эрүүл мэндэд хэрхэн нөлөөлөх, тамхинаас хэрхэн гарах талаар сургалт зохион байгууллаа.

Сургалтын үеэр байгууллагын 5 албан хаагч, ажилтан тамхинаас гарсан талаар ЗДТГ-ын дарга Н.Баттулга дурдаж бусад тамхи татдаг албан хаагчдыг тамхинаас гарахыг уриалж, үлгэр жишээ байгууллагыг бий болгоход хамтдаа нэгдэхийг хүслээ. 

Мөн тамхигүй ажлын байрыг бий болгох амлалтад ЗДТГ-ын дарга Н.Баттулга гарын үсэг зурсан бол тамхидалтгүй сум болох зорилтыг дэвшүүлж, тамхидалтын эсрэг манлайлагч нь болж ажиллах амлалтад ИТХ-ын дарга Л.Гантөмөр, Засаг дарга Б.Сүхтулга нар гарын үсэг зурж, амлалт өглөө. 

Уг арга хэмжээг үргэлжлүүлэн бусад байгууллагаар зохион байгуулана.