Монголбанк, Төв аймгийн ЗДТГ, Хадгаламжийн Даатгалын Корпораци, ХБНГУ-ын Шпаркассэ банкны сан, Монголын Банкны Холбоо хамтран “Дэлхийн хуримтлалын өдөр 2021” аяныг “Бүгдээрээ хуримтлуулъя” уриатайгаар Төв аймгийн Зуунмод хотод зохион байгуулагдсан юм. Тус арга хэмжээний үеэр Аймгийн Засаг дарга Д.Мөнхбаатар “Хөдөө аж ахуй, үйлдвэрлэлийн стратеги төлөвлөлт”-ийг танилцууллаа. Аймгийн Засаг даргын санаачлагаар хөдөө аж ахуйн үйлдвэрлэлийн хөгжлийн шинэ загварыг тодорхойлж, хөдөө аж ахуй, үйлдвэрлэлийн суурь дэд бүтцийг бий болгох зорилгоор “Хөдөө аж ахуй, үйлдвэрлэлийн стратеги төлөвлөлт”-ийг боловсруулсан юм. Зорилгын хүрээнд үйлдвэрлэлийн гинжин хэлхээг бий болгох, борлуулалтын нэгдсэн сүлжээг хангах, санхүү хөрөнгө оруулалтын урсгалыг татах гурван зорилтыг дэвшүүлэн тавьсан бөгөөд стратеги төлөвлөлтийг хэрэгжүүлэхэд банк санхүүгийн байгууллагуудын оролцоо нэн чухал юм. Арга хэмжээнд оролцсон Монголбанк болон хүрэлцэн ирсэн банк санхүүгийн байгууллагын төлөөллүүд “Хөдөө аж ахуй, үйлдвэрлэлийн стратеги төлөвлөлт”-ийн мэдээллийг сонсож цаашид дэмжиж, хамтарч ажиллахаа илэрхийллээ.