Аймгийн ИТХ-ын дарга С.Насанбат Шарын гол суманд ажиллах үеэрээ Япон улсын Засгийн газрын “Өвсний үндэс- Хүний аюулгүй байдлыг хангах” хөтөлбөрийн хүрээнд  400 сая төгрөгийн буцалтгүй тусламжаар хийгдэж буй цэцэрлэгийн барилгын их засварын ажлын явцтай газар дээр нь үзэж танилцлаа.

Шарын гол сумын 17 дугаар цэцэрлэг 36 жилийн дараа их засварт орж байгаа бөгөөд барилгын дээврээс эхлээд сантехникийн шугам, дулаан хангамжийг  шинэчилж, мөн цонх, хаалга, хулдаас солих зэрэг ажлуудыг гүйцэтгэж байна.  

Аймгийн ИТХ-ын дарга С.Насанбат болон тус сумын удирдлагууд уг ажлын явцтай танилцах үеэрээ их засварын гадна фасадны гадаргууны тэгш хэм алдагдсан, зарим газраараа мэдэгдэхүйц завсартай байгаа тухай гүйцэтгэгч байгууллагын хариуцсан ажилтанд анхааруулж, стандартын дагуу эргэн засварлах чиглэл өглөө.