Аймгийн ИТХ-ын дарга Б.Батжаргал АОК-ын шуурхай штабын дарга В.Мөнхбат, ОБГ-ын дарга Г.Эрдэнэбаатар нартай аймгийн хэмжээнд үүсээд байгаа Ковид-19 цар тахлын нөхцөл байдлын талаар ярилцаж цаашид хийж хэрэгжүүлэх ажлын талаар санал солилцлоо.

Аймгийн иргэдийн Төлөөлөгчдийн Хурлын Тэргүүлэгчдийн 2020 оны 11 сарын 09-ны өдрийн 01 тоот тогтоолоор “Гамшгийн эрсдлийг бууруулах орон нутгийн зөвлөлийн бүрэлдэхүүн, ажиллах журам” баталж, журмын хэрэгжилтийг хангуулах ажлын хүрээнд 04 сарын 09-ны өдөр Ковид-19 нөхцөл байдлын талаар цахим хурал зохион байгуулж, бүх сумд, агентлаг, төрийн болон төрийн бус байгууллагад зөвлөмж, уриалга гарган хүргүүлэхээр боллоо.