Аймгийн Иргэдийн Төлөөлөгчдийн Хурлын Ажлын алба нь УИХ-ын тамгын газар, НҮБ-ын хөгжлийн хөтөлбөр, Швейцарын хөгжлийн агентлагийн хамтран хэрэгжүүлж буй “Монгол улсын төлөөллийн байгууллагыг бэхжүүлэх нь” төсөлтэй хамтран цахим сургалт зохион байгуулан ажиллаж байна.

Энэ удаагийн сургалтанд Зуунмод сумын Иргэдийн Төлөөлөгчдийн Хурлын дарга, Нарийн бичгийн дарга, 26 Төлөөлөгч буюу 84,8%-ийн ирцтэй цахимаар хамрагдлаа. Зуунмод сумын хувьд 31 төлөөлөгчөөс 19 нь сумын ИТХ-д анх удаа сонгогдсон төлөөлөгчид юм.

Уг сургалт нь төлөөлөгчдөд хууль эрх зүйн мэдлэг олгох, тэднийг чадавхжуулах, сумын ИТХ-д хуулиар олгогдсон эрх үүргийг хэрэгжүүлэхэд тэдэнд шаардлагатай суурь мэдлэгийг олгох, практикт гарч байгаа хүндрэлийг шийдвэрлэх арга замыг хэлэлцэх арга зүйн дэмжлэг үзүүлэх зорилгоор хийгдэж байгаагаараа ач холбогдолтой юм.

Сургалтыг Монгол улсын Засаг захиргаа, нутаг дэвсгэрийн нэгж, түүний удирдлагын тухай хуулийн шинэчилсэн найруулга, Захиргааны ерөнхий хууль, орон нутгийн төсвийн удирдлага, байгаль орчны төлөвлөлт, санхүүжилт сэдвээр явууллаа.