Аймгийн ИТХ-ын Хоёрдугаар Хуралдаан 2020 оны 11-р сарын 24-ний өдөр аймгийн ЗДТГ-ын Хуралдааны танхимд цахимаар 85.3 хувийн ирцтэйгээр хуралдлаа.

Аймгийн ИТХ-ын Хоёрдугаар Хуралдаанаар:-

1. “Хөгжлийн түүчээ”-Төв аймгийг 2021-2025 онд хөгжүүлэх 5 жилийн Үндсэн чиглэл батлах тухай

-“Хөгжлийн түүчээ”-Төв аймгийг 2021-2025 онд хөгжүүлэх 5 жилийн Үндсэн чиглэл боловсруулсан тухай аймгийн Засаг дарга Д.Мөнхбаатарын мэдээлэл

- “Хөгжлийн түүчээ”-Төв аймгийг 2021-2025 онд хөгжүүлэх 5 жилийн Үндсэн чиглэлийн төсөлд Хурлын Эдийн засаг, төсөв санхүү, өмчийн бодлогын хороо, Үйлдвэрлэл, дэд бүтцийн бодлогын хороо, Нийгмийн бодлогын хороо, Байгаль орчин, хөдөөгийн хөгжлийн хороо, Хүний эрхийн хороо, Хурлын Нутгийн удирдлага, хууль хяналт, гадаад харилцааны хорооноос хийсэн дүгнэлтүүд төлөөлөгчдөөс гарсан асуулт, саналыг хэлэлцэж “Хөгжлийн түүчээ”-Төв аймгийг 2021-2025 онд хөгжүүлэх 5 жилийн Үндсэн чиглэл”-ийг баталж шийдвэрлэлээ.

2. Ойн сангаас 2021 онд бэлтгэх модны хуваарь батлах тухай

-Ойн сангаас 2021 онд бэлтгэх модны хуваарь батлах тухай аймгийн Засаг дарга Д.Мөнхбаатар мэдээлэл, Ойн сангаас 2021 онд бэлтгэх модны хуваарь батлах тухай асуудалд Хурлын Байгаль орчин, хөдөөгийн хөгжлийн Хорооноос хийсэн дүгнэлт, тус асуудалд Төлөөлөгчдөөс гарсан асуулт, саналыг хэлэлцэн “Ойн сангаас 2021 онд бэлтгэх модны хуваарь”-ийг баталж шийдвэрлэлээ.

Аймгийн ИТХ-ын Хоёрдугаар Хуралдааны дараа аймгийн Онцгой комиссоос цаг үеийн нөхцөл байдлын талаар мэдээлэл өглөө.