Дэлхий нийтийг цочроосон /COVID-19/ Шинэ коронавирусын халдвар Монгол Улсад бүртгэгдсэнтэй холбогдуулж Зуунмод сумын ИТХ-аас Зуунмод сумын Онцгой комисст 2 ширхэг автомакс, 1 ширхэг чийгшүүлэгчтэй агаар цэвэршүүлэгчийг хандивлалаа. Мөн Зуунмод сумын 6 багтаа тус бүр 1 ширхэг автомакс, агаар цэвэршүүлэгчийг авч хандивлалаа. Зуунмод сумын багийн байр өрхийн эмнэлэгтэйгээ цуг байдаг тул төрийн анхан шатны үйлчилгээ авах иргэд, өрхийн эмнэлгээр үйлчлүүлж байгаа иргэдийн бөөгнөрөл үүсдэг тул баг нь өөрсдийн нөөц бололцоондоо тулгаарлан багийн байраа ариутгах, бөөгнөрөл үүсдэг хэсгийнхээ агаарыг цэвэршүүлж халдварт өвчнөөс сэргийлэх бололцоотой болж байгаа юм. Сумын Онцгой комиссоос баг бүрд ариутгалын бодис, бодис найруулах заавар, зааварчилгаа өгч ажиллалаа.  Мөн цас хайлсаны дараа хөрсний бохирдол үүссэн хэсгийн хөрсийг мэргэжлийн байцаагчийн заавраар ариутгал халдваргүйтэл хийх зэргээр цаашид автомаксаа ашиглах боломжтой юм.