ТӨВ АЙМГИЙН ИРГЭДИЙН ТӨЛӨӨЛӨГЧДИЙН ХУРАЛ
ТӨВ АЙМГИЙН ИРГЭДИЙН ТӨЛӨӨЛӨГЧДИЙН ХУРАЛ
Эрхэм зорилго: Иргэдийн нийтлэг эрх ашгийг дээдэлж, оролцоонд тулгуурлан, аймгийн эдийн засаг, нийгмийн хөгжлийн хэтийн болон богино хугацааны бодлого, хөтөлбөрийг боловсруулан баталж, нутгийн өөрөө удирдах байгууллагыг бэхжүүлэн, олон улсын стандарт нэвтрүүлнэ. Эрхэм зорилго: Иргэдийн нийтлэг эрх ашгийг дээдэлж, оролцоонд тулгуурлан, аймгийн эдийн засаг, нийгмийн хөгжлийн хэтийн болон богино хугацааны бодлого, хөтөлбөрийг боловсруулан баталж, нутгийн өөрөө удирдах байгууллагыг бэхжүүлэн, олон улсын стандарт нэвтрүүлнэ.АЙМГИЙН ХЭМЖЭЭНД 122 ХОРШОО ҮЙЛ АЖИЛЛАГАА ЯВУУЛЖ БАЙНА
2019-11-14
Хүнс, хөдөө аж ахуй, хөнгөн үйлдвэрийн яам, аймгийн ЗДТГ, Хүнс, хөдөө аж ахуйн газар, Монголын Хоршоологчдын үндэсний нэгдсэн холбоо хамтран Төв аймгийн Зуунмод хотын Солонго цогцолборт “Аймгийн Хоршоологчдын зөвлөгөөн”-ийг зохион байгуулж байна. Монгол улсын Засгийн газрын хуралдаанаар “Хоршоог хөгжүүлэх нийгмийн хэмжээний хөтөлбөр-III”-ыг баталсан. Улсын хэмжээнд хэрэгжиж байгаа арга хэмжээ, төсөл хөтөлбөрүүдийг орон нутгийнхаа бодлоготой уялдуулан хөгжүүлэх, мэргэжлийн байгууллагууд, доктор профессоруудын сайн туршлагаас суралцах, нөгөө талаар орон нутагтаа үйл ажиллагаа явуулж байгаа хоршоологчдын туршлага, мэдлэгээс хуваалцах, хоршоо хоорондын хамтын ажиллагааг өргөжүүлэн хөгжүүлэхэд уг зөвлөгөөний ач холбогдол оршиж байгаа юм. Төв аймгийн хувьд улсын бүртгэлд бүртгэлтэй 173 хоршоо байдаг бөгөөд үүнээс 122 нь тогтмол үйл ажиллагаа явуулж байна. Нийт хоршоодын 60 хувь нь хөдөө аж ахуй, 20 хувь нь үйлдвэрлэл үйлчилгээний чиглэлээр үйл ажиллагаа явуулдаг хоршоод байгаа юм. “Аймгийн Хоршоологчдын зөвлөгөөн”-д 21 сумын 160 хоршоологчид оролцож байна.