Монголын үндэсний худалдаа аж үйлдвэрийн
танхимын Архангай дахь салбарын дэргэдэх Бизнес эрхлэгч эмэгтэйчүүдийн
зөвлөлийн санаачилгаар ногоон эдийн засгийн төлөө хэлэлцүүлэг боллоо.
Уг
арга хэмжээнд УИХ-ын гишүүн Г.Тэмүүлэн, аймгийн ИТХ-ын дарга Б.Өсөхбаяр нар оролцон
үг хэллээ. Тус хэлэлцүүлэгт ХХААЯ, БОАЖЯ, аймгийн ХХААГ, БОАЖГ, Орон нутгийн бизнес
эрхлэгчдийн төлөөлөл оролцов. Мөн Хүнс,
хөдөө аж ахуйн үйлдвэрлэл, Хөнгөн үйлдвэрлэл, Тогтвортой аялал жуулчлал-Нэмүү
өртгийн сүлжээ, Ногоон эдийн засгийн сайн туршлага, Хүүхдэд ээлтэй бизнесийн
орчин гэсэн үндсэн 5 чиглэлээр хэлэлцүүлэг боллоо. МҮХАҮТ-ын Архангай дахь
салбарын дэргэдэх Бизнес эрхлэгч эмэгтэйчүүдийн зөвлөл нь 2019 оны 4 дүгээр
сарын 8-ны өдөр аймгийн эмэгтэй захиралтай долоон компаний төлөөлөл санаачилж,
аймгийн салбар танхимаас дэмжин байгуулж, зөвлөлийн
даргаар Ч.Отгонжаргалыг сонгожээ.