Улсын төсвийн 408,0 сая төгрөгөөр Дархан сумын 11, 12 дугаар багт 468 м2 талбайтай, хурал, сургалтын танхим бүхий 11 өрөөтэй "Багийн хөгжлийн төв" баригдан өнөөдөр /2019.06.17/ ашиглалтад орлоо. Багийн төвийн гадна зогсоол болон дотор техник тоног төхөөрөмж бусад тохижилтын ажлыг Дархан сумын Орон нутгийн төсвийн нийт 51.5 сая төгрөгөөр хийсэн юм. Шинэ байранд багийн албан хаагчдаас гадна БИНХ-ын дарга, Хөдөлмөр халамжийн үйлчилгээний газрын мэргэжилтэн, Цагдаагийн хэсгийн байцаагчид байрлан ажиллаж дээрх 2 багийн 2500 гаруй өрхийн 8 мянга гаруй иргэнд тав тухтай орчинд төрийн анхан шатны үйлчилгээг нэг цэгээс хүргэх юм. Багийн хөгжлийн төвийн нээлтэнд УИХ-ын гишүүн Б.Жавхлан болон аймаг, сумын удирдлагууд, иргэдийн төлөөлөл оролцов. Удахгүй 15 дугаар багийн төвийн байр мөн ашиглалтад орно.