Төв аймаг БНСУ-ын Кангвон муж, Япон улсын Тоттори муж, Изюмисано хот,
БНХАУ-ын Жилинь муж, ОХУ-ын Приморын хязгаар, Буриадын Бүгд найрамдах
улсын Яруны районтай шууд харилцаа хамтын ажиллагааг боломжит бүхий л
салбарт, Зүүн Азийн 10 улсын 10 мужтай аялал жуулчлалын хамтын
ажиллагааг өргөжүүлэн ажиллаж байна.
Аймгийн Иргэдийн Төлөөлөгчдийн Хурал ОХУ-ын Буриадын Бүгд Найрамдах
улсын Иволгийн районтай хамтран ажиллах гэрээнд гарын үсэг зурж, ХБНГ-ын
Хановор хот, Италийн Лазио мужид хамтран ажиллах хүсэлтээ илэрхийлж,
Зүүн хойд Азийн орнуудын бүс нутгийн ИТХ-ын дарга нарын 4 дэх удаагийн
Чуулганд оролцсоноор Кангвон, Жилинь, Приморын хязгаарын Иргэдийн
Төлөөлөгчдийн Хурлын байгууллагатай хамтын ажиллагааг эхлүүлэв.
Төрийн албан хаагчдыг шууд харилцаат мужуудад мэргэшүүлэх, дадлагажуулах
урт богино хугацааны сургалт, дадлагад тогтмол хамруулж байна.
- Япон улсын Тоттори мужийн Төв эмнэлгийн хүүхдийн шүдний өвчлөлийн статистик үзүүлэлт, өвчлөлийг бууруулах арга барил, Сувилахуйн сургууль болон шавар бигнүүр, рашаан уух эмчилгээний туршлага судлах сургалтанд аймгийн Нэгдсэн эмнэлэгийн дарга, Рентген, дүрс оношилгооны эмч, Мэдрэлийн эмч нар хамрагдав. /2014.04.27-05.02/
- БНСУ-ын Захирагч нарын холбооны тэтгэлэгт K2H хөтөлбөрт аймгийн нэгдсэн эмнэлэгийн нойрсуулагч эмч 6 сарын хугацаатай хамрагдав. Кангвон мужийн Ёнсе Их Сургуулийн дэргэдэх Северанс эмнэлэг дээр 2 эмч 3 сарын дадлагад хамрагдан, туршлага судаллаа.
- Жилинь мужтай мэргэжилтэн солилцооны хөтөлбөр, Тоттори мужид төрийн албан хаагчийн танилцах дадлага, Кангвон мужийн ХАА-н таримлын сургалт, Япон улсын Изюмисано хот, БНСУ-д Нутгийн удирдлагын Институтын богино хугацааны сургалт, NEARын гишүүн орнуудын муж аймгуудын гадаад харилцааны мэргэжилтний сургалтад ажилтнуудаа сургаж байна.
- БНСУ-ын Кангвон мужид болсон “Хүнсний ногооны тариалалтын сүүлийн үеийн тэргүүний арга техник, услалтын нөхцлийн болон ХАА-н бүтээгдэхүүнийг дахин боловсруулах технологийн арга барил эзэмшүүлэх” сургалтанд аймгийн Үйлдвэр Хөдөө Аж Ахуйн Газрын газар тариалан хариуцсан 1 мэргэжилтэн, Борнуур сумын газар тариалан хариуцсан 1 мэргэжилтэн хамрагдлаа. /2014.03.16-04.12/
Олон улсын фестиваль, урлаг соёлын арга хэмжээнд тогтмол оролцдог
-
БНСУ-ын Кангвон мужид зохион байгуулагдсан Олон улсын ардын урлагийн Их наадам Danoje фестивальд “Монгол туургатан” театрын уран бүтээлчид оролцлоо /2014.05.31-06.03/
Япон улсын Тоттори мужид болсон “Тотторигийн урлагийн наадам”- д Монгол туургатан театрын 6 уран бүтээлч амжилттай оролцов. /2014.06.15-18/
Хөрөнгө оруулалт жилээс жилд нэмэгдсээр байна
- БНСУ-ын “Авралын арми” ТББ-аас 2008-2014 онд нийт 39 хүүхдэд 780.0 сая төгрөгийн зүрхний хагалгаа, хагалгааны дараах эмчилгээний зардлыг хөнгөвчлөн, аймгийн ирээдүй болсон хүүхэд багачуудын эрүүл мэндэд үнэлж баршгүй хөрөнгө оруулалт хийж байна.
- Кангвон мужийн нэрэмжит гудамж, Жилинь мужийн нэрэмжит гудамжтай болж, 2014 онд Кангвон муж, Жилинь мужтай “Шинэ кинотеатр” төсөлд хамтран ажиллаж, 3D кино Театр шинээр нээлээ. 200.0 мянган долларын хөрөнгө оруулалтаар Кангвон мужаас Кинотеатрын тоног төхөөрөмжийг аймагт бэлэглэв.
- Зүүн хойд азийн “EXPO” “Залуучуудын чуулга уулзалт” арга хэмжээний хүрээнд Аймгийн Засаг даргын Тамгын газар, аймгийн шууд харилцаат муж БНХАУ-ын Жилинь мужийн Залуучуудын холбоотой харилцаа хамтын ажиллагааны гэрээ байгуулж ажиллалаа.
2014 оны байдлаар аймгийн хэмжээнд нийгмийн болон эдийн засгийн салбарт
Дэлхийн банк, Олон улсын байгууллага, шууд харилцаат мужийн тусламж,
хөрөнгө оруулалт, санхүүжилтээр нийт 774.8 сая төгрөгийн 9 төсөл
хөтөлбөр хэрэгжиж байна.
2012 онд бодит хөрөнгө оруулалт - 222.0 сая төг, бодит бус-188.0 сая
төг, 2013 онд бодит 267.5 сая төг, бодит бус-400.0 сая төг, 2014 онд
443.0 сая төгрөгийн бодит хөрөнгө оруулалт хийгдлээ.