Аймгийн ИТХ-ын дэргэдэх Иргэний Танхим, Шарын гол сумын ИТХ-ын дэргэдэх Иргэний Танхим хамтран “ШАРЫН ГОЛ СУМЫН БОЛОВСРОЛЫН БАЙГУУЛЛАГЫН СУРГАЛТЫН ЧАНАР, ҮЙЛ АЖИЛЛАГААНЫ АСУУДАЛД АНХААРАХ НЬ” сэдэвт нээлттэй хэлэлцүүлгийг 2014 оны 11 дүгээр сарын 5-ны өдөр зохион байгуулахаар бэлтгэл ажлыг хангажээ.
        Тус хэлэлцүүлгийг Шарын гол сумын боловсролын байгууллагын сургалтын чанар, стандарт үйл ажиллагааны талаар иргэдэд мэдээлэл хүргэх, сумын иргэдийн саналыг авч цаашдын үйл ажиллагаанд тусгуулах зорилгоор зохион байгуулж байгаа аж.
          Хэлэлцүүлгийн үеэр Дархан-Уул аймгийн ИТХ-ын дэргэдэх Иргэний танхимын үйл ажиллагааны талаар болон Дархан-Уул аймгийн Боловсролын байгууллагын өнөөгийн байдал 2020 он хүртэлх зорилт, Сургуулийн сурагчдаас гэмт хэрэг зөрчилд холбогдож байгаа байдал цаашид авах арга хэмжээний талаар мэдээлэл танилцуулна. Мөн Сумын боловсролын байгууллагын сургалтын чанар, стандарт, үйл ажиллагааны талаар багш, сурагчид, эцэг эхчүүдээс авсан санал асуулгын дүнг танилцуулж, иргэдээр хэлэлцүүлэх юм байна.
       Иргэдээс гарсан санал хүсэлтүүдийг нэгтгэн, дүгнэлтийг аймаг сумын удирдлагууд, Боловсролын газар, Сумын ИТХ, Засаг даргаас гарах шийдвэрт тусгуулахаар хүсэлтийг уламжлах юм байна.