Уулзалтаар Нутгийн өөрөө удирдах ёсны байгууллага бол иргэдээсээ сонгогддог, тэднийхээ төлөө ажилладаг, тэдэндээ ажлаа тайлагнадаг, иргэдээрээ ажлаа дүгнүүлдэг, "Иргэн"-ээрээ овоглосон иргэний байгууллага юм. Аймгийн ИТХ-ын дарга, Засаг дарга нь нэг зорилготой, нэгдмэл ажиллагаатай боловч хуулиар хүлээсэн тус тусын чис үүрэгтэй, бас өвөрмөц онцлогтой, харилцан ажиллах аргатай байдаг. Нутгийн удирдлагын энэ хоёр субьектын эцсийн үр дүн нь нутаг орноо хөгжүүлэх, хүн ардаа ая тухтай ажиллаж амьдрах нөхцлөөр хангах асуудал юм гэдгийг хүүхдүүдэд энгийнээр тайлбарлан ойлгуулсны зэрэгцээ хүүхдүүдийн асуултанд хариулт өгсөн юм.

Дархан сумын 15-р сургуулийн сурагчид өөрийн сургуульдаа “Мини парламент” зохион байгуулж, сурагчдын өмнө болоод Дарханыхаа нийт хүүхдүүдийн өмнө тулгамдсан асуудлаа тодорхойлсон тухайгаа аймгийн Иргэний Танхимын даргад танилцууллаа. Хүүхдүүдийн хамгийн ихээр хүсэж байгаа зүйл нь сургуулийнхаа ойр орчимд байрлах баар цэнгээний газрыг цэгцлэх байлаа. Мөн хуучин Дарханы хүүхдүүдэд ойрхон чөлөөт цагаа өнгөрүүлэх төв байхгүй байгаад аймгийн удирдлагуудыг анхаарал хандуулахыг хүсэж байлаа.

Тус сургуулийнхан өөрсдийн саналаа нэгтгэн аймгийн ИТХ-ын дарга, Засаг даргад хүргүүлэхээр авчирсныгаа аймгийн Иргэний Танхимын даргад хүлээлгэн өглөө. Тэд Нийгмийн ухааны хичээлийнхээ хүрээнд ийнхүү нутгийн өөрөө удирдах ёсны байгууллагын үйл ажиллагааны талаар мэдээлэлтэй болж, аймгийн Иргэний Танхимд саналаа өгсөндөө баяртай байцгаалаа.