Сүхбаатар дүүргийн харьяа ерөнхий боловсролын сургуулийн сурагчдад замын хөдөлгөөний аюулгүй байдлыг хангахтай холбоотой хууль, дүрмийн мэдлэг олгох, замын хөдөлгөөнд аюулгүй оролцох дадал эзэмшүүлэх, гэмт хэрэг, ослоос урьдчилан сэргийлэх зорилгоор "Ногоон гэрэл-Цагаан шугам" 2018 тэмцээнийг дүүргийн Гэмт хэргээс урьдчилан сэргийлэх ажлыг зохицуулах салбар зөвлөл, Засаг даргын Тамгын газар, Замын цагдаагийн хэлтэс, Улаан загалмайн хороо хамтран зохион байгууллаа.
Тэмцээнийг дүүргийн ИТХ-ын дарга бөгөөд ГХУСАЗСЗ-ийн дарга Э.Ганбат нээж үг хэлсэн бөгөөд дүүүргийн Засаг даргын орлогч П.Давхарбаяр, Замын цагдаагийн хэлтсийн чиглэлийн ахлах зохицуулагч М.Мягмарсүрэн болон бусад албаны хүмүүс оролцлоо.
Тэмцээнд дүүргийн ерөнхий боловсролын 3-5 дугаар ангийн сурагч, багш эцэг эхийн төлөөллөөс бүрдсэн 9 сургуулийн баг өрсөлдөж
1 дүгээр байрт 1 дүгээр сургуулийн "Уулзвар" баг
2 дугаар байрт 3 дугаар сургуулийн "Шонхорууд" баг
3 дугаар байрт 4 дүгээр сургуулийн "Ногоон гэрэл-Цагаан шугам" багууд шалгарлаа.
1 дүгээр сургуулийн Уулзвар багийн хувьд Сүхбаатар дүүргээ төлөөлөн нийслэлийн аварга шалгаруулах Ногоон гэрэл-Цагаан шугам тэмцээнд оролцох юм.
