Шуурхай цугларалтын үеэр мэргэжлийн ангийн дарга цагийн байдлын мэдээлэл, сургалтын талаар танилцуулан, газар хөдлөлтийн үед авах арга хэмжээний тухай сургалтыг ЕБСургуулийн сурагчдад зохион байгуулсан байна. Гамшгийн дохиоллыг зарлан мэдээллэж, сурагчдын аюулгүй байдлыг ханган байрнаас гаргах, цагийн байдлын мэдээллийн дагуу аврах бүлэг бүрэн бүрэлдэхүүнээр ажиллах, анхны тусламжийн бүлэг гэмтсэн хүүхдүүдэд анхны тусламжийн арга хэмжээг авч, эмнэлгийн бүлэгт хүлээлгэн өгөх зэрэг ажиллагааг хийж гүйцэтгэжээ. Үзүүлэх сургалтын дараагийн үед хүүхдүүдийг сумын төвөөс 10 км-ын зайд орших хорогдох байранд тээвэрлэн аюулгүй ажиллагааг хангаж, хангалтын баг хоол хүнс, дулаан хувцас хүргэсэн ба сургуулийн орчинд газар хөдлөлтийн улмаас цахилгааны шугамд гарсан галыг унтраах ажиллагаа, нуранг үүссэн голомтод сэргээн засах ажиллагааг мэргэжлийн ангийн аврах бүлэг гүйцэтгэж төлөвлөгөөний дагуу үзүүлэх сургалтыг амжилттай зохион байгуулсан байна.