“Дэлхийн Зөн Монгол” Олон улсын байгууллага энэ оноос эхлэн “Хүүхдийн Төлөөх орон нутаг” төслийг хэрэгжүүлэхээр болжээ. Таван жилийн хугацаанд үргэлжлэх тус төслийн нээлтийг Дархан хотын 57 жилийн ойн өдрөөр ийнхүү нээж зорилтот бүлгийн таван өрхөд иж бүрэн таван ханатай гэр бэлэглэлээ. Төслийн гол зорилго нь хүүхдүүд нийгмийн эерэг орчинд өсөж хүмүүжин, ирээдүйнхээ сайн сайхны төлөө өөрийгөө хөгжүүлэхэд дэмжлэг үзүүлэхэд оршжээ. Дархан-Уул аймгийн зорилтот 7 багийн 250 өрхийн 800 гаруй хүүхдэд таван жилийн хугацаанд хүрч үйлчлэх юм байна.