Хүйтэн сэрүүний улирал ирж, галлагаа эхэлж байгаатай холбогдуулан тус сум төсөвт байгууллагуудын машинистуудыг мэргэшүүлэх сургалтыг зохион байгуулжээ. Сургалтыг Эрдэнэ Сумын МСҮТ-ийн багш н.Нямдаваа, н.Сүхболд нар удирдан, “Машинистуудын хөдөлмөрийн аюулгүй байдлыг хангах”, “Мэргэжлийн дидактик, сантехникийн сургалт” сэдвийн хүрээнд сургалт зохион байгуулсан бөгөөд энэ үеэр төсөвт байгууллагуудын галлагааны өрөө, ажлын байранд эрсдлийн үнэлгээ хийх талаар дадлага сургалт, машинистуудын дунд мэргэжлийн ур чадварын уралдаан тэмцээнийг мөн зохион байгуулжээ.

Тус тэмцээний “Шилдэг гагнуурчин”-аар Од хүүхдийн цэцэрлэгийн машинист Н.Бат-Эрдэнэ шалгарч, багийн дүнгээр 1 дүгээр байрт Ч.Батсайхан ахлагчтай ЕБС-ийн 2-р баг, 2-дугаар байрт ЭМТөвийн Д.Батмөнх ахлагчтай баг, 3 дугаар байрт ЗДТГ-ын  Г.Батсайхан ахлагчтай баг тус тус шалгарсан байна.

Баяндэлгэр сум тус сургалтыг жил бүр уламжлал болгон зохион байгуулдаг бөгөөд мэргэшүүлэх, дадлага сургалтыг зохион байгуулсанаар машинистуудын ур чадвар дээшилж, багаар ажиллах чадвар сайжирч, харилцан туршлага солилцох боломж бүрддэг аж.