Монгол улсын 21 аймгийн төвийн сумдын ИТХурал, ажлын албадын анхдугаар чуулга уулзалт Өмнөговь аймагт амжилттай зохион байгуулагдлаа. Тус чуулга уулзалтанд 20 аймгийн төвийн сумдын Дарга нар болон ИТХ-ын ажлын албад оролцлоо. Уулзалтын гол зорилго нутгийн өөрөө удирдах байгууллагын бие даасан байдлыг хангаж ИТХ, ажлын албаны чадамжийг нэмэгдүүлэх, сайн туршлага солилцох юм. Сум бүр сайн туршлагаа хуваалцаж сум орон нутагтаа хэрэгжүүлж ажиллах, ажлын албаны чадамжийг нэмэгдүүлэх зэрэг туршлага солилцсон арга хэмжээ болж өндөрлөлөө. Мөн сум орон нутгийг илтгэх брэнд бүтээгдэхүүнээр үзэсгэлэн гаргаж орон нутгаа сурталчилсанаас гадна Өмнөговь аймгийн бүтээн байгуулалт болон “Оюу толгой” “Энержи ресус” зэрэг компаниудтай танилцлаа.