Дархан сумын хэмжээнд 2018 оны 8 дугаар сар 476 гэмт хэрэг бүртгэгдэж, өнгөрсөн оны мөн үетэй харьцуулахад 14,7 хувиар өссөн дүнтэй байна. Үйлдэгдсэн гэмт хэргийн дотор хүний амь бие, эрүүл мэндийн эсрэг гэмт хэрэг 158 болж 17,03 хувиар, өмчлөх эрхийн эсрэг гэмт хэрэг 252 болж 25,3 хувиар, тээврийн хэрэгслийн хөдөлгөөний аюулгүй байдал, ашиглалтын журмын эсрэг гэмт хэрэг 22 болж 15,7 хувиар тус тус өссөн байна. Согтуугаар  үйлдэгдсэн гэмт хэрэг өнгөрсөн оны мөн үетэй харьцуулахад 70 болж, 35,7 хувиар, гэр, орон сууцанд үйлдэгдсэн гэмт хэрэг 167 болж, 2,4 хувиар буурсан бол гудамж талбайд үйлдэгдсэн гэмт хэрэг 116 болж, 46,8 хувиар өссөн дүнтэй байна. Дархан сумын 2, 4, 10, 15, Өргөө багуудад гэмт хэргийн гаралт өнгөрсөн оны мөн үетэй харьцуулахад  буурсан, харин 1, 3, 5, 6, 7, 8, 11, 13, 14, 16,  Малчин багуудад өссөн дүнтэй байна.