Word learning ТББ-аас өнөөдөр /2018.08.02/ 3 дахь жилдээ зохион байгуулж буй “LEAD Mongolia” хөтөлбөрөө Дархан хотын залууст танилцууллаа. Хөтөлбөрийн талаар мэдээлэл авахаар 40 гаруй оюутан, залуус аймгийн ЗДТГ-ын “Хурлын танхим”-д цугларсан юм.

            Дээрх хөтөлбөр нь АНУ-ын Олон Улсын хөгжлийн Агентлагийн санхүүжилтээр 25-40 насны залуу манлайлагчдыг чадавхжуулах,нийгэмд эерэг өөрчлөлт авчрахад нь дэмжих зорилготойгоор хэрэгждэг бөгөөд энэ жил нийт 30 оролцогчийг сонгон шалгаруулж, ур чадвар дээшлүүлэх сургалт болон АНУ-д 3-н 7 хоног солилцоогоор сурах боломж олгох юм.

           Сонгон шалгаруулалт 2 үе шаттай явагдах ба эхний үе шат буюу өргөдлийг 8 дугаар сарын 19-ний өдөр хүртэл хүлээн авах юм байна. Эхний шатанд тэнцсэн тохиолдолд ярилцлагыг англиар авах талаар мэдээлэл өгөв.