Дархан-Уул аймгийн Засаг даргын 2018 оны 03 дугаар сарын 22-ны өдрийн 01-А/98 дугаар захирамжаар Эрх бүхий албан тушаалтны шийдвэрээр хураан авсан хөрөнгө, эд зүйл, хэрэгслийг үнэлэх, худалдан борлуулах, устгах талаар шийдвэр гаргах, хэрэгжилтэд хяналт тавих аймгийн Засаг даргын дэргэдэх орон тооны бус зөвлөлийн Үнэлгээний асуудал хариуцсан комиссын бүрэлдэхүүн, Устгах асуудал хариуцсан комисс, Худалдан борлуулах асуудал хариуцсан комиссын бүрэлдэхүүнийг тус тус баталсан. Энэ дагуу тус ажлын хэсэг энэ оны эхний хагас жилийн байдлаар хураан авсан эд зүйлсийг /2018.07.06/ устгалаа. Үүнд зөвшөөрөлгүй худалдан борлуулсан 8-н нэр төрлийн 149 ширхэг тамхи, хүчинтэй хугацаа нь дууссан 168 ширхэг шар айраг, 8,9 кг бор гөрөөсний мах, 3,7 кг хаяг, гарал үүсэл тодорхойгүй шоколад, Монгол улсын эмийн бүртгэлд бүртгэгдээгүй хэрэглэх хүчинтэй хугацаа нь дууссан 5-н төрлийн 540 ширхэг эмийг устгасан юм.