Төв аймгийн морин спорт уяачдын холбооноос ирүүлсэн хүсэлтийн дагуу Аймгийн Засаг даргын 2018 оны А/441 дүгээр захирамжаар Монгол үндэсний уламжлалт зан заншил, нүүдэлчдийн соёл, амьдралын хэв маяг, байгаль, хүн, мал аж ахуйн өвөрмөц харилцан шүтэлцээг илэрхийлсэн аялал жуулчлалын эвент арга хэмжээ “Төв түмний цэнгэл” баяр наадмыг 2018 оны 7 дугаар сарын 22-ны өдөр Баянцогт суманд зохион байгуулахаар шийдвэрлэлээ. Энэхүү баяр наадмын арга хэмжээний хүрээнд хурдан морины уралдаан, хүчит бөхийн барилдаан, үндэсний сурын харваа, шагайн харваа болон монголын өв соёлын илэрхийлэл болсон урлагийн тоглолт, сайхан морь, сайхан эмээл зэрэг эдлэл хэрэглэл шалгаруулах тэмцээн уралдаан, үзэсгэлэн худалдаа зохион байгуулагдах юм. Мөн “Төв түмний цэнгэл” баяр наадмын үеэр Төв аймгийн шигшмэл хурдан морьдын анхдугаар уралдааныг мөн зохион байгуулахаар шийдвэрлэжээ. Уг баяр наадмыг зохион байгуулах хороог байгуулсан бөгөөд нарийвчилсан удирдамж, хөтөлбөрийг удахгүй хүргэх юм байна.
ТӨВ АЙМГИЙН ИРГЭДИЙН ТӨЛӨӨЛӨГЧДИЙН ХУРАЛ
ТӨВ АЙМГИЙН ИРГЭДИЙН ТӨЛӨӨЛӨГЧДИЙН ХУРАЛ
Эрхэм зорилго: Иргэдийн нийтлэг эрх ашгийг дээдэлж, оролцоонд тулгуурлан, аймгийн эдийн засаг, нийгмийн хөгжлийн хэтийн болон богино хугацааны бодлого, хөтөлбөрийг боловсруулан баталж, нутгийн өөрөө удирдах байгууллагыг бэхжүүлэн, олон улсын стандарт нэвтрүүлнэ. Эрхэм зорилго: Иргэдийн нийтлэг эрх ашгийг дээдэлж, оролцоонд тулгуурлан, аймгийн эдийн засаг, нийгмийн хөгжлийн хэтийн болон богино хугацааны бодлого, хөтөлбөрийг боловсруулан баталж, нутгийн өөрөө удирдах байгууллагыг бэхжүүлэн, олон улсын стандарт нэвтрүүлнэ.ТӨВ ТҮМНИЙ ЦЭНГЭЛ БАЯР НААДМЫГ АНХ УДАА ЗОХИОН БАЙГУУЛНА
2018-06-28
