Дархан сумын нэг дүгээр багийн сайжруулсан шороон замыг хатуу хучилттай болгох ажлын явцтай /2018.06.06/ аймгийн Засаг даргын орлогч Т.Ганболд, “Дархан хот байгуулалт, барилга захиалагчийн газар” Орон нутгийн өмчит аж ахуйн тооцоот үйлдвэрийн газрын дарга, инженерүүд танилцлаа. Олон жил иргэдийн дунд хүлээлт үүсгээд байсан энэхүү замыг Орон нутгийн төсвийн 139.8 сая төгрөгөөр “Огторгуйн бүтээл” ХХК гүйцэтгэж байна. Үндэсний их баяр наадмын өмнө тус замыг ашиглалтад оруулж оршин суугчдадаа хүлээлгэн өгөх ажээ.