Төвийн бүсийн аймгуудын иргэдийн Төлөөлөгчдийн Хурлын Ажлын албаны
ажилтнуудын туршлага солилцох сургалт, уулзалт 2018 оны 05-р сарын 04-ний
өдрөөс 05-р сарын 06-ны өдрүүдэд Төв аймгийн Баянчандмань сум “Говь
ресорт” спорт цогцолборт зохион байгуулагдлаа.
Энэхүү туршлага солилцох уулзалтад Говьсүмбэр, Дархан-Уул, Дорноговь, Дундговь,
Өмнөговь, Сэлэнгэ, Төв аймгуудын иргэдийн Төлөөлөгчдийн Хурлын Ажлын албаныхан
оролцсон бөгөөд тэдний ажлын идэвхи санаачлагыг нэмэгдүүлэх, ажил
мэргэжлийн туршлага солилцох, хамтын ажиллагааг бэхжүүлэх нь уг арга
хэмжээний зорилго юм.
Уулзалтын үеэр аймгуудын ИТХ-ын дарга нар Говьсүмбэр аймагт уулзсан намрын цугларалтаас хойш зохион
байгуулсан томоохон арга хэмжээ, хийж гүйцэтгэсэн ажил, өөрийн аймгийн ИТХ-ын үйл ажиллагаа, онцлогийг харуулсан мэдээлэл,
танилцуулгуудыг хийлээ.
Төв аймгийн ИТХ, Ажлын албанаас хийж гүйцэтгэж байгаа ажил, аймгийн
ИТХ-аас батлагдсан бодлого хөтөлбөр түүний хэрэгжилтийн талаар танилцуулж
ажиллалаа.
Төвийн бүсийн аймгуудын туршлага солилцох уулзалтын үеэр Ажлын
албаны ажилтнуудын дунд “Гар
бөмбөг”, “Нэг минут-Нэг даалгавар” хөгжөөнт тэмцээн, “Хөл бөмбөгийн хаалганд
цохилт хийх”, “Монгол шагайн наадгай”, “Дартсын тэмцээн” зэрэг тэмцээнүүд хоёр өдрийн турш амжилттай зохион байгууллагдаж багийн дүнгээр Төв аймаг
тэргүүн байранд шалгарлаа.
Төв аймгийн ИТХ-ын Ажлын алба нь төвийн бүсийн аймгуудын ИТХ-ын Ажлын
албаны дунд зохион байгуулагддаг энэхүү арга хэмжээнээс тэргүүн байрыг 2 дахь
удаагаа авч байгаагаараа онцлог юм.
Төвийн бүсийн уулзалт зөвлөгөөнд оролцсон Говьсүмбэр аймгийн ИТХ, Дархан-Уул
аймгийн ИТХ, Дорноговь аймгийн ИТХ, Дундговь аймгийн ИТХ, Өмнөговь аймгийн ИТХ,
Сэлэнгэ аймгийн ИТХ-ын Ажлын албаны ажилтнуудыг Баянчандмань сумын “Мон-эгг”
компаний “Баян” шувууны үйлдвэр, Борнуур сумын “Аглаг бүтээлийн хийд”-тэй
танилцууллаа.
Төвийн бүсийн аймгуудын ИТХ-ын Ажлын албаны ажилтнуудын туршлага солилцох
уулзалтыг амжилттай зохион байгуулж, бүсийн тэмцээн уралдаанд амжилттай оролцож 2 дахь
удаагаа тэргүүн байр эзэлсэн Төв аймгийн ИТХ, Ажлын албаны ажилтнуудад ажлын
амжилт сайн сайхан бүхнийг хүсье.
