Иргэдийн эрүүл байх, чөлөөт цагаа зөв боловсон өнгөрүүлэхэд зориулж 5 дугаар сургуулийн дотуур байрны “Б” корпусыг Япон улсын Засгийн газрын “Өвсний үндэс” хөтөлбөрийн санхүүжилтээр засварлуулж, “Орон нутгийн хөгжлийн сан”-ийн хөрөнгөөр чийрэгжүүлэлтийн тоног төхөөрөмжийг худалдан авч 2018 оны 04 дүгээр сарын 19-ны өдөр ашиглалтанд хүлээн авлаа.

Фитнесс танхимын үйл ажиллагааг 5 дугаар сургуулийн захиргаа хариуцан ажиллуулах ба нээлтийн үеэр аймгийн Засаг дарга фитесс танхимын байнгын тасралтгүй ажиллуулах, цаашид ямар тоног төхөөрөмж нэмэгдүүлэх шаардлагатай талаар судалгаа гаргах, иргэдэд соёлтой цэвэр цэмцгэр зөв боловсон үйлчлэх, ажиллах цагийн хуваарь, үнэ тарифийг тодорхой болгох ёстойг анхаарч ажиллах талаар үүрэг чиглэл өглөө.