Төрийн албаны зөвлөлийн Төв аймаг дахь Салбар зөвлөлийн 2018 оны 04 дүгээр сарын 20-ны өдрийн 19, 20 дугаар тогтоолоор байгуулагдсан комиссууд Угтаалцайдам сумын иргэдийн Төлөөлөгчдийн Хурлын Тэргүүлэгчдийн нарийн бичгийн дарга, Дэлгэрхаан сумын Засаг даргын Тамгын газрын дарга, Баян, Баянцагаан, Баян-Өнжүүл, Лүн, Өндөрширээт, Эрдэнэсант сумдын Соёлын төвийн эрхлэгч, Баян, Баянхангай, Баянжаргалан, Цээл сумдын Эрүүл мэндийн төвийн эрхлэгч зэрэг удирдах албаны 12 сул ажлын байранд сонгон шалгаруулалт явууллаа.
Сонгон шалгаруулалтын захиалгыг 2018 оны 03 дугаар сарын 28-ны өдрийн 52 тоот албан бичгээр Төрийн албаны зөвлөлд хүргүүлж, шалгаруулалт явуулахаас 21-ээс доошгүй хоногийн өмнө http://csc.gov.mn, www.tov.gov.mn цахим хуудас, Дотоод удирдлагын систем, аймгийн ЗДТГ болон салбар зөвлөлийн мэдээллийн самбарт байршуулж, Нэгдсэн үйлчилгээ, хэвлэл мэдээлэл, олон нийттэй харилцах албаар дамжуулан сурталчилсан.
Төрийн албаны зөвлөлийн 2017 оны 12 дугаар сарын 07-ны өдрийн 177 дугаар тогтоолоор баталсан аргачлалын дагуу сонгон шалгаруулалт зохион байгуулах ажлын төлөвлөгөөг 13 ажил үйлчилгээтэй боловсруулан салбар зөвлөлийн даргаар батлуулж, хэрэгжилтийг 95.38 хувьтай хангалаа.
Сонгон шалгаруулалтад оролцогчдыг 2018 оны 04 дүгээр сарын 23-ны өдөр аймгийн ЗДТГ-ын 108 тоотод бүртгэхэд нийт 8 иргэн бүртгүүлэв. Үүнд:-
| № | Зарлагдсан ажлын байрны нэр | Бүртгүүлсэн иргэдийн тоо |
| 1 | Угтаалцайдам сумын Иргэдийн Төлөөлөгчдийн Хурлын Нарийн бичгийн дарга | 2 |
| 2 | Дэлгэрхаан сумын Засаг даргын Тамгын газрын дарга | 3 |
| 3 | Баян сумын Соёлын төвийн эрхлэгч | 1 |
| 4 | Лүн сумын Соёлын төвийн эрхлэгч | 1 |
| 5 | Өндөрширээт сумын Соёлын төвийн эрхлэгч | 1 |
| НИЙТ ДҮН | 8 | |
| 6 | Баян-Өнжүүл сумын Соёлын төвийн эрхлэгч | Иргэн бүртгүүлээгүй ажлын байр |
| 7 | Баянцагаан сумын Соёлын төвийн эрхлэгч | |
| 8 | Эрдэнэсант сумын Соёлын төвийн эрхлэгч | |
| 9 | Баян сумын Эрүүл мэндийн төвийн эрхлэгч | |
| 10 | Баянжаргалан сумын Эрүүл мэндийн төвийн эрхлэгч | |
| 11 | Баянхангай сумын Эрүүл мэндийн төвийн эрхлэгч | |
| 12 | Цээл сумын Эрүүл мэндийн төвийн эрхлэгч |
ТЖАУАТ-д томилогдох ажилтны сонгон шалгаруулалтыг зохион байгуулах комиссын даргаар ТАЗСЗ-ийн гишүүн-аймгийн ЗДТГ-ын ТЗУХ-ийн дарга С.Магнайбаяр, Нарийн бичгийн даргаар ТАЗСЗ-ийн нарийн бичгийн дарга-аймгийн ЗДТГ-ын хүний нөөц, сургалт хариуцсан мэргэжилтэн Г.Мөнхгэрэл, гишүүнд ТАЗСЗ-ийн гишүүн -аймгийн Аудитын газрын дарга Ц.Хишигжаргал, аймгийн ЗДТГ-ын СТСХ-ийн дарга Ю.Бямбацогт, аймгийн ИТХ-ын ажлын албаны ажилтан Б.Ганхуяг нар; ТҮАУАТ-д томилогдох ажилтны сонгон шалгаруулалтыг зохион байгуулах комиссын даргаар ТАЗСЗ-ийн гишүүн, аймгийн ЗДТГ-ын НБХ-ийн дарга Д.Мөнхцэцэг, Нарийн бичгийн даргаар НБХ-ийн ахлах мэргэжилтэн Б.Тунгалаг, гишүүнд ТАЗСЗ-ийн гишүүн, аймгийн ЗДТГ-ын ХОХБТХ-ийн дарга Д.Саран-Эрдэнэ, аймгийн ЭМГ-ын дарга С.Мөнхтуяа, Боловсрол соёл урлагийн газрын дарга Б.Даваажав нар ажиллаж, Мэдээлэл технологийн аюулгүй, хэвийн ажиллагааг аймгийн ЗДТГ-ын Мэдээлэл технологи, программ хангамж хариуцсан мэргэжилтэн Н.Эрдэнэболд хариуцан ажилласан.
Сонгон шалгаруулалт явуулахын өмнө буюу 2018 оны 04 дүгээр сарын 25-ны өдрийн 09:00-09:50 минутад аймгийн ЗДТГ-ын Соёмбо танхимд бүртгүүлэгчдэд мэдээлэл, сургалт хийж, 10:30 цагт сорилын шалгалтыг эхлүүлсэн. ТАЗ-д яамдын сонгон шалгаруулалт давхардсан тул 30 минут хойшилсон. Сорилын шалгалтад тэнцсэн иргэд мэдээллийн технологийн ур чадварын шалгалтыг 11:20 цагаас, бичгийн шалгалтыг 11:30 цагаас урьдчилан бэлтгэсэн даалгаврын дагуу бичгээр өгч, ярилцлагын шалгалтыг 12:30-13:30 цагт авч дуусгасан.
Шалгаруулалтын нийлбэр дүнгээр 4 иргэн 60 буюу түүнээс дээш оноо авч өрсөлдсөн нийт зарлагдсан ажлын байраас 4 буюу 33.3 хувь нөхөгдөх боломжтой болсон. Үүнд:
| № | Шалгуулагчийн нэр | Өрсөлдсөн ажлын байр | Ерөнхий шаардлага | Удирдах ур чадвар | Ярилцлага | НИЙТ оноо | Байр |
| 1 | Батсайханы Жавзанпагма | Угтаалцайдам сумын иргэдийн Төлөөлөгчдийн Хурлын Тэргүүлэгчдийн нарийн бичгийн дарга | 16,7 | 30,7 | 13,2 | 60,6 | I |
| 2 | Базаргарьдын Чингис | Дэлгэрхаан сумын Засаг даргын Тамгын газрын дарга | 23,5 | 30,0 | 16,4 | 69,9 | I |
| 3 | Шагдарын Өнөржаргал
| Баян сумын Соёлын төвийн эрхлэгч | 20,5 | 22,7 | 21,25 | 64,45 | I |
| 4 | Батсүхийн Энхтуул | Өндөрширээт сумын Соёлын төвийн эрхлэгч | 26,6 | 28,5 | 20,25 | 75,35 | I |
Шалгалтын явцад иргэн тэнцээгүй, мөн иргэн бүртгүүлээгүй Баян-Өнжүүл, Лүн, Эрдэнэсант сумдын Соёлын төвийн эрхлэгч, Баян, Баянхангай, Баянцагаан, Баянжаргалан, Цээл сумын Эрүүл мэндийн төвийн эрхлэгч зэрэг 8 сул ажлын байрыг дахин зарлуулах саналыг салбар зөвлөлд хүргүүлэхээр болов.
Шалгалтын явцад гомдол маргаан гараагүй бөгөөд дүнг ТАЗСЗ-ийн хуралдаанаар хэлэлцүүлэхээр бэлтгэлээ.