Сумын Нутгийн зөвлөлөөс санаачлан, ивээн тэтгэж зохион байгуулсан “Сумын аварга шалгаруулах” спортын 4 төрөлт тэмцээн нь иргэдийн чөлөөт цагийг спортоор хичээллэн, үр дүнтэй өнгөрүүлэх, уулзаагүй удсан нутгийн иргэдийг нэг дор цугларуулж чадсанаараа ихээхэн онцлогтой болсон байна. Тус тэмцээнд сумын 670 гаруй иргэн хамрагдсан бөгөөд гар бөмбөг, сагсан бөмбөг, ширээний теннис, шатар гэсэн төрлүүдээр 35-аас дээш болон 35-аас доош эрэгтэй, эмэгтэй гэсэн ангилалаар зохион байгуулжээ. Цаашид уг спортын арга хэмжээг 4 дүгээр сарын сүүлийн 7 хоногт уламжлал болон зохион байгуулж байхаар шийдвэрлэсэн байна.
