Дархан-Уул аймгийн Засаг даргын зөвлөлийн хурал өнөөдөр /2018.04.09/ хуралдлаа. Хурлаар аймгийн нутгийн захиргааны байгууллага, албан тушаалтанд хандаж ирүүлсэн өргөдөл гомдлын шийдвэрлэлтийн мэдээ тайланг танилцуулсан юм. 2018 оны 1 дүгээр улирлын байдлаар Аймгийн Засаг дарга болон Тамгын газар, Дархан, Шарын гол, Хонгор, Орхон сумд болон 24 агентлагт нийтдээ 6622 өргөдөл, гомдол ирсэн бөгөөд шийдвэрлэлт 93 хувьтай байна. Иргэдээс ирсэн өргөдөл гомдлын дийлэнх хувийг газар хүссэн өргөдөл, нийгмийн халамжийн үйлчилгээнд хамрагдах, тухайн байгууллагаас үзүүлдэг төрөлжсөн үйлчилгээнд хамрагдах хүсэлт эзэлж байсан ажээ.