Дархан сумын 8 дугаар багт үйл ажиллагаа явуулж байгаа “Камдер” ХХК-тай холбоотой санал гомдлууд аймгийн Засаг даргын тамгын газарт иржээ. Энэ дагуу Дархан-Уул аймгийн Засаг даргын Хяналт шалгалтын удирдамжийн хүрээнд өнөөдөр /2018.04.02/ холбогдох мэргэжлийн байгууллагууд газар дээр нь шалгалтыг хуулийн хүрээнд хийлээ. Хяналт шалгалтаар БНХАУ-ын нэг иргэн хөдөлмөр эрхэлж байгаа бөгөөд орон нутгийн засаг захиргааны нэгжид бүртгүүлээгүй зөрчил гарсан учраас Зөрчлийн тухай хуулиар хариуцлага тооцохоор болжээ. Цаашдаа тус газарт холбогдох хяналтын байгууллагууд хууль тогтоомжийн дагуу хяналтыг тогтмол хийх бөгөөд орон нутгийн иргэдийг хөдөлмөр эрхлэхэд хамтран ажиллах чиглэлээр албан бичиг хүргүүлж ажиллахаар боллоо