Цаг агаар дулаарч шар усны үерийн аюулаас урьдчилан сэргийлэх ажлуудыг Дархан-Уул аймгийн Засаг даргын Тамгын газраас үе шаттайгаар хийж байна. Нэгдсэн эмнэлгээс аймгийн ЗДТГ хүртэлх далан сувгуудад хамгаалалтын бүс тогтоож, шөнийн эргүүлийг өнөөдрөөс эхлэн явуулж байна. Мөн аймгийн хэмжээнд үйл ажиллагаа явуулдаг 9 их дээд сургуулийн захирлуудтай өнөөдөр /2018-03-20/ оройн 20:30 цагт аймгийн ЗДТГ-ын Нийгмийн бодлогын хэлтсийн дарга Н.Цасчихэр уулзалт хийж дараах үүрэг даалгавруудыг өгсөн байна. Үүнд: 

1. Сургууль тус бүр дээр хариуцлагатай жижүүр ажиллуулах
2. Оюутан сурагчдын дотуур байрны ирцэд анхаарах
3. Орой үдшийн цагаар олон нийтийг хамарсан үйл ажиллагаа зохион байгуулахгүй байх талаар үүрэг чиглэл өглөө.