БНМАУ-ын Бага хурлын тэргүүлэгчдийн 1946 оны тавдугаар сарын 28-ны өдөр хуралдсан 32 дугаар хурлаар Монгол ардын хувьсгалт цэргийн баярын өдрийг тэмдэглэх тухай тогтоол гаргажээ. Цэргийн явдлын яамны сайд, Бүх цэргийн жанжин, нөхөр Маршал Чойбалсан Монгол ардын хувьсгалт цэргийн ойн баярын өдрийн тухай тогтооп гаргах хүсэлт тавьсан байна. Түүний хүсэлтийг хэлэлцээд Улсын Бага Хурлын Тэргүүлэгчдээс 1921 оны гуравдугаар сарын 18-ны өдөр Монгол ардын хувьсгалт цэрэг нь Монгол Ардын хувьсгалын голомт Хиагт буюу одоогийн Алтанбулаг хотыг чөлөөлж анхдугаар ялалтаа байгуулсан учир энэ өдрийг “Хувьсгалт цэргийн баяр”-ын өдөр болгожээ. Харин 2003 оны арванхоёрдугаар сарын 18-нд УИХ-аас батлан гаргасан Нийтээр тэмдэглэх баярын болон тэмдэглэлт едрүүдийн тухай хуулиар гуравдугаар сарын 18-ныг “Зэвсэгт хүчний өдөр” хэмээн тэмдэглэх болсон байна. Гэвч энэхүү өдрийг зөвхөн батлан хамгаалах салбарын хэмжээнд тэмдэглэдэг нь зарим талаар учир дутагдалтай юм гэж үзэж, батлан хамгаалах үйл хэрэгт хувь нэмрээ оруулж буй, оруулах, тангараг өргөж цэрэгт алба хаасан, хаах бүх нийтийн баяр болгох үүднээс “Нийтээр тэмдэглэх баярын болон тэмдэглэлт өдрүүдийн тухай хууль”-ийн 5.1.2-ын “Зэвсэгт хүчний өдөр” гэснийг “Монгол цэргийн өдөр” болгон өөрчлөх тухай асуудлыг боловсруулсан байна.
Манай аймаг “Монгол цэргийн өдөр”, Зэвсэгт хүчин үүсэн байгуулагдсаны 97 жилийн ойн баярыг угтан хэд хэдэн цуврал арга хэмжээнүүдийг зохион байгуулж байгаа талаар бид өмнө нь мэдээлсэн. “Монгол цэргийн өдөр”-ийн баярын хүрээнд Монгол улсын баатар, хошууч генерал Б.Цогийн хөшөөнд цэцэг өргөлөө. Мөн Үндэсний аюулгүй байдлыг хангах тусгайлсан чиг үүрэг бүхий байгууллагын албан хаагчид Их зохиолч Д.Нацагдоржийн нэрэмжит “Мөнх-Алдарын талбай”-д баярын жагсаал зохион байгууллаа. Баярын жагсаалын үеэр аймгийн Засаг даргын нэрэмжит марш тактик, тусгай бэлтгэлийн аварга шалгаруулах тэмцээнд манлайлсан тасгуудын шагналыг гардуулж өглөө.
Тэмцээний Тэргүүн байрт Зэвсэгт хүчний 016 дугаар бригадын 2-р тасаг, Дэд байрт 011 дгээр ангийн Гутгаар байрт 119 дүгээр ангийн тасаг тус тус шалгарсан байна. Мөн баярын жагсаалын үеэр Үндэсний аюулгүй байдлыг хангах тусгайлсан чиг үүрэг бүхий байгууллагын албанд олон жил үр бүтээлтэй ажилласан зарим хүмүүсийг цол хэргим болон Төрийн дээд одон медалиар шагнаж урамшуулахаас гадна 5 жил дарааллан хүүгээ цэргийн албанд мордуулсан Зуунмод сумын 3 иргэнд хүндэтгэл үзүүллээ.