Монгол улсын Эрүүл мэндийн тухай хуулийн 16 дугаар зүйлийн 16.2 дахь заалтыг үндэслэн Дархан-Уул аймгийн Засаг дарга С.Насанбат, Эрүүл мэндийн газрын дарга Б.Батцэнгэл нар Дархан сумын Өрхийн эрүүл мэндийн төвийн дарга нартай энэ онд хамтран ажиллах гүйцэтгэлийн гурвалсан нэг жилийн хугацаатай гэрээг  /2018.02.26/ байгуулав. Аймгийн Засаг дарга С.Насанбат “Өрхийн эрүүл мэндийн төвүүд нь хүн амд үзүүлэх эрүүл мэндийн үйлчилгээг чанартай, тэгш, хүртээмжтэй, тасралтгүй хүргэхэд онцгой анхаарал хандуулан ажиллах”-ыг анхааруулав. Дархан сумын хэмжээнд таван өрхийн эмнэлэгт 110 гаруй эмч, эмнэлгийн ажилтан ажиллаж байгаа ажээ.