2018 оныг Дархан-Уул аймгийн хэмжээнд Ахмадыг дэмжих жил болгон зарласан. Энэ хүрээнд өнөөдөр /2018.02.12/аймгийн удирдлагууд болон Тогоочдын холбооноос хамтран ахмад мастер тогоочдоо хүлээн авч хүндэтгэл үзүүллээ. Дархан-Уул аймгийн хэмжээнд хоол үйлдвэрлэл үйлчилгээний 1000 гаруй ажилтан байдгаас 450-н тогооч үүнээс 26-н мастер тогоочид байдаг байна. Эдгээр ахмад мастер тогооч нартаа Тийн унжлагат хэмээх шороон нохой жилийн босгон дээр хүндэтгэл үзүүлж өнгөрсөн хугацаанд тогоочдын холбооноос хийсэн ажлаа тайлагналаа. Энэхүү арга хэмжээг Нийгмийн хариуцлагынхаа хүрээнд Комфорт ресторан 3 дахь жилдээ ивээн тэтгэж байгаа бөгөөд энэ жилээс эхлэн Модерн номадс ресторан хамтран ажиллаж байгаа ажээ.