Дархан-Уул аймгийн Засаг даргын Зөвлөлийн хурал /2018.02.12/ 95,7 хувийн ирцтэй хуралдлаа. Хурлаар Бичил уурхайн зориулалтаар орон нутгийн тусгай хэрэгцээнд авах газрын тухай, Аймгийн Засаг даргын нөөц сангаас хөрөнгө гаргах тухай гэсэн 2 асуудлыг хэлэлцсэн юм. Бичил уурхайн зориулалтаар 8 байршилд нийт 32,9 га газрыг тусгай хэрэгцээнд авахаар зөвлөлд санал оруулснаас 5 байршил 21,9 га нь дэмжигдсэн байна. Аймгийн Засаг даргын нөөц сангаас Кёнги аймгаас тусламжаар өгсөн 2 түргэний авто машины гаалийн татвар, Дархан сумын 8 дугаар багийн иргэн Б.Энхсайханд элэг шилжүүлэн суулгах хагалгааны өртөг, 10 дугаар багийн иргэн Алтанбаганын эмчилгээнд явах унааны зардлыг тус тус буцалтгүйгээр олгох шийдвэрийг гаргасан байна.