2018 оныг Дархан-Уул аймгийн хэмжээнд Ахмадыг дэмжих жил болгон зарласан. Энэ хүрээнд Их дээд мэргэжлийн сургуулийн консорциумаас санаачлан ажил үйлс, амжилт бүтээлээрээ залуу үеийг сурган хүмүүжүүлж байгаа ахмад багш нартаа хүндэтгэл үзүүллээ. Манай аймгийн хэмжээнд нийтдээ 9-н их, дээд мэргэжлийн сургуулиуд сургалт хүмүүжлийн ажил явуулдаг бөгөөд сургууль тус бүрдээ одоо ажиллаж байгаа ахмад багшаа сонгон шалгаруулж өнөөдөр /2018.02.08/ ийнхүү хүндэтгэл үзүүлж байна. Аймгийн Засаг даргын тамгын газрын хүндэтгэлийн танхимд болсон арга хэмжээнд ахмад 8-н багшаас гадна аймгийн Нийгмийн бодлогын хэлтсийн дарга Б.Цасчихэр, ИДМСКонсорциумын ерөнхий захирал Н.Сувдаа, ИДМСК-н нарийн бичгийн дарга Ч.Чулуунцэцэг , О.Мөнхбаяр болон бусад их дээд мэргэжлийн сургуулиудын захирлууд багтжээ.