Гадаад хамтын ажиллагааг өргөжүүлэх, харилцан туршлага судлах үүднээс Дархан хотын удирдлагууд өнгөрсөн онуудад ах дүү хотуудтай хамтран ажиллах санамж бичигт гарын үсэг зурж хамтын ажиллагаагаа өргөжүүлсээр ирсэн. Энэхүү ажлын хүрээнд БНХАУ-ын ӨМӨЗО-ны аж үйлдвэрийн бүс У Хай хоттой найрамдалт харилцаа тогтоон хамтын ажиллагааны эхлэлээ өнгөрөгч оны 1 дүгээр сард тавьж санамж бичигтгарын үсэг зурсан. Тус санамж бичгийн хүрээнд аймгийн Залуучууд театрын нийт 58-н уран бүтээлчид энэ сарын 9-нд буюу өнөөдөр тус хотод “Дарханы ая дуу” уран бүтээлийн тоглолтоо тоглоход бэлэн болжээ. Манай аймгийн уран бүтээлчид нийтдээ 18-номер бэлтгэснээс гадна 4-н номерыг тус хотын уран бүтээлчидтэй хамтран үзүүлэх юм. Та бүхэндээ Дарханчуудынхаа нэрийн өмнөөс амжилт хүсье.