2017 онд Гадаадын Иргэн, Харьяатын газрын Дархан-Уул аймаг дахь алба нь аймагтаа төлөвлөгөөт 3, төлөвлөгөөт бус 4 удаагийн шалгалтыг Цагдаагийн газар, Тагнуулын алба болон бусад хууль хяналтын байгууллагуудтай хамтран хийжээ. Манай аймагт үйл ажиллагаа явуулдаг аж ахуйн нэгж байгууллагуудад хөдөлмөр эрхэлдэг, суралцдаг, гэр бүлийн шалтгаанаар, албан болон хувийн бусад зорилгоор оршин сууж буй давхардсан тоогоор 96 аж ахуй нэгж байгууллагын гадаадын 590 гаруй иргэний паспорт, баримт бичигт хяналт тавьж, гадаад дотоодын 160 гаруй иргэн, хамтран ажилладаг бусад байгууллагуудад холбогдох хууль, журмын талаар зөвлөгөө мэдээлэл өгсөн байна. Үүнээс захиргааны зөрчил гаргасан 6 орны 8 иргэнд Зөрчлийн тухай хуулийн дагуу 1.676.000 төгрөгийн шийтгэлийн арга хэмжээ авч, улсын төсөвт төвлөрүүлжээ. Мөн 3 иргэнийг Монгол Улсаас албадан гаргасан байна.