Монгол Улсад шинэ Үндсэн хууль баталсан өдрийг тохиолдуулан Улсын Их Хурлын даргын ивээл дор аймгийн аварга шалгаруулах шатар сонирхогч, насанд хүрэгчдийн тэмцээнийг жил бүр зохион байгуулдаг уламжлалтай.Энэ жил мөн уг тэмцээнийг аймгийн ИТХ-аас зохион байгуулсан /2017.12.09/ бөгөөд  тэмцээнд Дархан, Хонгор, Шарын гол сумаас шалгарсан эрэгтэй зургаа, эмэгтэй хоёр тамирчид оролцон тойргийн системээр тоглож, оюун ухаанаа сорив.

Тэмцээний нэгдүгээр байранд Ц.Мөнхбат, хоёрдугаар байранд Б.Наранбаяр, эмэгтэйчүүдээс нэгдүгээр байранд Ц.Сэргээ нар түрүүлж, Улсын аварга шалгаруулах тэмцээний эрх авсан юм. Уг тэмцээнийг аймгийн ИТХ-ын Төлөөлөгч,  Тэргүүлэгч Г.Эрдэнэсүх, Г.Алтантуяа нар ивээн тэтгэсэн бөгөөд шагналыг аймгийн ИТХ-ын дарга Г.Эрдэнэбат, ИТХ-ын Тэргүүлэгч Г.Алтантуяа нар /2017.12.13/ гардуулан өглөө.