Дархан сумын хэмжээнд нийт 39 СӨХ үйл ажиллагаа эрхэлж байна. Энэхүү гэрээг байгуулснаар нийтийн зориулалттай орон сууцны зоорийн давхрын цэвэр бохир усны инженерийн шугам сүлжээний засвар үйлчилгээг түргэн шуурхай засварлан хэвийн ажиллагааг хангах, хонгилын хаалга, цоож болон цоколийн нүхэнд хаалт сараалж хийх, шугам хоолойн бүрэн бүтэн байдлыг хангах, оршин суугчдыг цэвэр усаар найдвартай хангаж, бохир усыг тасралтгүй татан зайлуулахад хамтран ажиллаж оршин суугчдын ая тухтай орчныг бүрдүүлэх ажээ. Мөн “Дархан Ус суваг” ХК-иас үзүүлдэг үйлчилгээний нэр төрөл, үнэ тариф тодорхой болж, байгууллага хоорондын ажлын хариуцлага, уялдаа холбоо сайжрах давуу талтай юм.