Дархан-Уул аймгийн Засаг даргын үйл ажиллагааны хөтөлбөрт тусгагдсаны дагуу 2017 оны 11 дүгээр сарын 23,24-ны өдрүүдэд манай аймагт Үнэт цаасны зах зээл, даатгалын зах зээл, Банк бус санхүүгийн байгууллага, Хадгаламж зээлийн хоршооны талаар иргэд олон нийт, бизнес эрхлэгчдэд зориулсан сургалтыг Залуучууд театрын их танхимд явуулахаар болжээ. Энэхүү сургалтыг аймгийн ЗДТГ-ын Санхүү төрийн сангийн хэлтэс, Санхүүгийн зохицуулах хороотой хамтран зохион байгуулахаар бэлтгэл ажлыг хангаж байна. Иймд иргэд олон нийт 11 дүгээр сарын 23-ны 13.00 цагт Залуучууд театрт, бизнес эрхлэгчид 11 дүгээр сарын 24-ний 13.00 цагт Эрүүл мэнд, Нийгмийн даатгалын хэлтсийн хурлын танхимд хүрэлцэн ирж сургалтад хамрагдахыг урьж байна.