Дархан, Улаан-Үд хотуудын хооронд ах дүүгийн найрамдалт харилцаа тогтоосны түүхт 50 жилийн ойн хүрээнд өнөөдөр /2017.11.15/ Залуучууд театрт 50-н жилийн түүхийг харуулсан гэрэл зургийн үзэсгэлэн нээлтээ хийлээ. Аймгийн музейгээс эрхлэн гаргасан энэхүү гэрэл зургийн үзэсгэлэнд Зөвлөлт Холбоот Улсын тусламжтайгаар байгуулагдсан олон барилга байгууламж, үйлдвэр, соёл урлаг, боловсролын байгууллагуудын түүхэн 64-н ширхэг гэрэл зураг багтжээ. Мөн сүүлийн жилүүдэд манай аймагт сүндэрлэн боссон бүтээн байгуулалтын гэрэл зургууд ч багтаж байгаагаараа онцлогтой.