Аймгийн ИТХ-ын Тэргүүлэгчдийн ээлжит хурал өнөөдөр /2017.11.15/ болж орон нутгийн цаг үеийн 9 асуудлыг хэлэлцлээ.

Хурлын эхэнд Тэргүүлэгчид Төрийн дээд одон медальд шагнуулахаар тодорхойлогдсон 9 хүний материалтай танилцаж, хэлэлцсэн юм.

Үүнд “Алтан гадас” одонгоор 1, “Хөдөлмөрийн хүндэт медаль”-иар 6, “Цэргийн хүндэт медаль”-иар 2 хүнийг тус тус шагнуулахаар хамт олон, аймаг, сумын Засаг дарга, харьяалах дээд байгууллагаар дэмжигдэн ирсэн бөгөөд Тэргүүлэгчдийн 100 хувийн саналаар  Монгол улсын Ерөнхийлөгчид уламжиллаа.

Мөн хурлаар Дархан-Уул аймгийн  Орхон сум байгуулагдсаны түүхт 50 жилийн ойг тэмдэглэн өнгөрүүлэх тухай шийдвэрлэсэн бөгөөд Орхончууд 50 жилийн ойн баярын үйл ажиллагааг 2018 онд зохион байгуулах юм байна.